لاتحسـبـنـي كـــل مـاقـلـت مــرتــاح انــي عـلـى ماقـلـت مـرتـاح فـعـلـن

احيان بي ضيقه وبي هـم وجـراح واجحد واخفي ضيقة البال ماعلن

كف الحــنان

 

مد لي كف الحنـان الـي زهـاه الحنّـى من حلاته ياغناتي شـف حـلات الدبلـه

انت تتمنى وانا كم لي سنين اتمنّـى؟؟ وانفتـح للقلـب بـاب(ن) للسعـد واكتبلـه

حط كفك من هنـاك وحـط كفـك منّـى ورتـب الـلـي قـبـل هالتوقـيـت مارتبـلـه

في عيونه شوق شوفك والليال اعطنّى وكـل ماشـاف ابتسامـه قـال يـبـرق قبـلـه

في خفوقه لك عروشن من غلاك تبنّـى من يدينك يالرجاء ماهوب يقصر حبلـه

كـل مانخفـي ولهـنـى والحنـيـن اعلـنّـى شفتها بعين الحسود وفـي عيـون الخبلـه

الله انه من عيـون اهـل الحسـد يامنّـى واحدن ماغيـره احـد(ن) ماتقطـع سبلـه

والله انـــــــــه لايــفــرقــنـــا ولايــفــتــنّّـــى كـل مااشـوف ابتسامـه قلـت يبـرق قبلـه

فكاهه فقط

 

لاتعبـتـي مـــن الـسـفـره وحيـيـتـي والف لاباس من كحتك والزكمه

كل ماقول كيف الحـال كحيتـي ل.الله بمايسـوي فالبـشـر حكـمـه

..........

 

كـح بسلامـه ليـن حتـى تـرضـى نفسك طب (ن) للربـو والكحـه

لو الخبر يوصل شئؤن المرضى يـبـي يـصـرح بــه وزيــر الصـحـه

فعلآ وصلـت اعلـى قمـم فالتشبـع يعني لو يطول الغياب اعذرونـي

واللي على عـرش الفـؤاد متربـع يبطي ولحدن حال دونه ودوني

ماغـيـروه اهــل الحـسـد والتتـبـع ثابـت غـلاه ومنزلـه فــي عيـونـي

يـزول عـن راع الطبـوع التطبـع وان كان علمي ماوصل علموني

 

ماغير اللي قلت لي نظرتي فيك وشكـرآ عـلـى تفهّـمـي والفهـامـه!!

العفو قبل البعد يخلـف هقاويـك وشكـرآ وبالتوفـيـق ومــع السـلامـه

بنت الدلع يوم اثارت دافع اعجابي لاتحسبـنـي... قـبـل مـاكـنـت اعـبـرهـا

وعيونهـا اللـي ملاهـا الشـوق بغيـابـي وتـلـمّــح بـمـاتـكـنـه مـــــن مـشـاعـرهــا

قولوا لها ان الوله لو يحرق اعصابـي عـنـدي مـبـادئ عـجـز قلـبـي يغـيـرهـا

عبري عـن شعـورك مـن تصاميمـك واخذي اللي تبين وخلـي الباقـي

طـــول الله عـمــرك والله يـديـمـك وشكرآ اقولهـا صـادق مـن اعماقـي

كانت ابيوت ضيقـه قبـل تعظيمـك وكنـت اسليبـهـا صــدري لياضـاقـي

واصبحت عامره من عقب تقييمك واستـهـل الـفـرح بعـيـونـي وفـاقــي

 

كـلـمـات الـشـكـر تـعـجـز والاشــــاده واصـلـي بابـداعـك وربـــي يعـيـنـك

وواجـبــه مـنــي وعـنــوان الـشـهــاده (( بيض الله وجهك وتسلم يمينك))

 

 

من باب المداعبه والمزح

لااكثر

ابيات الرابح

 

أن كـــــان ودّك يـامـحــمــد بـمـســيــار أقـــــدم عــلــيــه ولاتــصــيــر مـــتـــردد

لـــك حـــق مـشــروعٍ تـــزوّج وتـخـتـار الـديّــن مـــا حـــرّم عـلـيــك الـتـعــدد

أقـــــدم عـلــيــه ولا تـبــيّــن لـلأنــظــار وأحـســب نتايـجـهـا وقــــارب وســــدد

وأحذر ما بين الناس لا تفشِ الاسرار ويـضـيـع حـلـمـك فـالـهـوى ويـتـبــدد

 

يـالـرابــح مـحـمــد خــذاهــا بـمـسـفـار وقــضــى الاجــــازه كـلـبـوهـا ومـــــدد

ولاهــوب جاحـدهـا ولاقـــدم اعـــذار ولاادري كـلامــك نـصــح والا تـهــدد

واقدمت في ماقلت مع سبق الاصرار ولاتـبـيــن لــــي هــدفـــك الـمــحــدد

ومحـمـد اخـويـه وانـــا اوجـــه انـــذار ردد عــلــى مـااطــولــك يـالــيــل ردد

 

 

 

يـاربـي لاتسـامـح مـــن ظلـمـنـي وحكابـي فـي غيـابـي وأتهمـنـي

يفـسـرهـا عـلــى كـيــف الـنـوايــا يـاربــي مـــن نـوايــاه تعصـمـنـي

ويــاربــي ريــحــه وأقـــــر عـيــنــه وعسـاه يـطـول عـمـره مافهمـنـي

بـعــد تـبــع الخـطـايـا بالـخـطـايـا وأخذنـي ذنـب لكـن ماندمنـي

نثرنـي شــوق بعـيـون الخـلايـق بعد سلمتك امري .. واستلمني

انــا فـوضـت لــك امــري الـهـي لغيـرك ماأحتكمـت ولا حكمنـي

 

 

 

 

 

قفـلـت ماسـنـجـري واغـلـقـت جـوالــي ونـويــت لـــي نـيـتـن مـاكـنــت نـاويـهــا

لاعــــاد تـنـظــر جــنـــوب ولاتـحــرالــي طـويـت صـفـحـة غـــلاك بـكــل مافـيـهـا

لـــو الـوفــاء مايـشـجـع جـفــوة الـغـالـي وصـبـري عـلـى نــار شـوقــن مايوالـيـهـا

ولــو ان قــدرك عـزيـز ومنـزلـك عـالــي لـــكـــن مـــادمـــت تـبـغـيـهــا بـســويــهــا

لو الثمـن فـي رضـاك بقطعـك اوصالـي ولــو الثـمـن ضيقـتـن بالـصـدر اخفـيـهـا

ابيـك دايـم ضـحـوك وخـاطـرك سـالـي بسمتك ابيع الحياه الك انت واشريها

ولاعــاد تنـشـد عــن احـوالـي وعـزالـي مـاتـحـرق الـجـمـره الا رجـــل واطـيـهـا

الـلـي يسـلـي خفـوقـك بـاريـن حـالــي وقفلـت ماسنـجـري مــن شــان اسويـهـا

ودم/تم بخير

ايـه اعــرف الـهـم والهـجـران والضيـقـه والـصـمـت والـحــزن والتعـبـيـر بـلاتــي

مــــازال حــبــك ولازالـــــت مـواثـيـقــه ولازالـت الحيـره الـلـي ساكـنـه ذاتــي

جيـتـي ببسـمـه سـعـد حـظـي وتوفـيـقـه وغبتي مع اجمل حكايه من حكاياتي

سولفـيـلـي تـرانــي جـــد متـضـايـق فـي غيابـك حضـور الهـم والضيـقـه

كان جاني سؤالك قلت لك رايق واعــتــبــر جــيــتــك للهم تـفـريــقــه

لوّ همي على اااخر ضلـع متوايـق جيتـك هـي سعـد حظـي وتوفيـقـه

رطـب لسانـك بذكـر الله واستغـفـره مادمت تدرك بـان الله رحيـم غفـور

هو غافر الذنب لامن تبـت ويكفـره سبحانه الله وحده من يزيد الشكور

راحت عليكم تونس الخضراء يازين العابدين
وانا فقدت اللي لعلك فدوتن لرجولها

هاذي ثلاث ايام من غابت عن المتواجدين
وغاب السبب معها ولاجاني خبر مرسولها

انته تمنى انك تعود لحزبك تأد اليمين
وانا بصدري كلمتن لاشفتها بقولها

ابــشــرك طــيــب ومــرتــاح وبـخـيــر وشكرآ من الاعمـاق علـى سؤالـك

يـاغـالـيـه فـتـحــت دروب ومـقـاديــر بوجـه الغيـاب وغيبتـك غـيـر ذلــك

ولياحضـرتـي لـــك مـحـبـه وتـقـديـر واهجر غيابـي جعلـه يطيـب فالـك

ايه اااامري واللي تبين انتي يصير تـدلــلــي مـاعــنــدي الا حـــلالـــك

ماني مصدق نظر عيني وانـا اشوفـك تبينـهـا جـــد ...والله مـانــي مـصــدق

امــرر مكـالـمـات الـشــوق واتـطـوفـك والحاسد اشفق علي والعاذل اتشدق

وادق واعتب على الامـال وضروفـك واللي يقـول انـه يفـك اللحـام الـدق

الـكـيـمـيــا والـفـيــزيــاء عـــنـــد حـــمـــاد ولالك نصيب ان جيت والجيب فاضي

لـلاخـوه الــزوار والاعـضـاء الـكــرام ومـن الـسـلام الــى التحـايـا الطيـبـه

وشكـري وتقديـري لكـم والاحتـرام وعــدوكــم عــســى الـسـنـيـن تـغـيـبـه

يسعدني ادعوكم هنا حسب النظام وكــــل الــــدروب مـسـهـلـه وقـريــبــه

بالفضفـضـه و زيــارة احـدكـم وســام ويـنـورالـصـفـحـات بــــــارق صــيــبــه

ولكل من مر هنا

عبدالعزيز

الرجال مسوي زحمه والشارع فاضي على قولتهم
عمره اقل من 4سنوات وكل مانوى يدخل البيت عندي ينادي بصوته ياااااااولد<ينبه ان فيه احد قادم

وحبيت ارحب به من ناحية ان الزياره تاخذ طابعها الرسمي

يـامـرحـبـا يــاربــي انــــك تـحـيـيـه خطـوه عزيـزه كـل ماجيـت يـمـي

سنـك صغيّـر ميـر تـدرى المشـاريـه وترفـع لهـم صوتـك قبـل لاتتـمـي

لو كنـت تدعينـي وانـا اقـول لبيـه منت بغريب بشوفك يـزول همـي

حـبـك تغلـغـل بـالـفـؤاد ومحـانـيـه وضخه مع الشريان في وسط دمي

ماظنتـي بـه غيرهـم شـاركـك فـيـه عبدالعزيـز وسـعـود وابــوي وامــي

فــل الـحـجـاج ومـاتـبـي لاتخـفـيـه ولياسألـك ابـوك قــل عـنـد عـمـي

سولفـيـلـي تـرانــي جـــد متـضـايـق فـي غيابـك حضـور الهـم والضيـقـه

كان جاني سؤالك قلت لك رايق واعــتــبــر جــيــتــك للهم تـفـريــقــه

لوّ همي على اااخر ضلـع متوايـق جيتـك هـي سعـد حظـي وتوفيـقـه