مريت مستعجل

مريت مستعجل ورحت بسرعه
لكن وعد•• لجيك وقتن ثاني

خذيت من لذة وصالك جرعه
وجريت مجرئ الدم في شرياني

حسب مفاهيم الغرام وشرعه
وقناعتي في ماسبق وايماني

ماجاك قلبي باختيار وقرعه
لكن ملكته بالحلا الرباني

تهز عودك وانثنئ به فرعه
ولاتسقط اثماره وغصنه داني

كنه يردد لك وتسمع قرعه
صح الله أبدانك وصح لساني

ياغيث قلبي ياثراه وزرعه
بزورك انكان الآله أحياني

خذيني نوم بعيونك

خذيني نوم بعيونك ورئ جفنك وضميني
بذوب بسحرها واروي جفن عين الشقا المحروم

... أنا لحفتك جفوني غلا واسكنتك بعيني
وضميتك ورئ جفن العيون وطار عنها النوم

ضميك الروح وارويته غلا يسكن شراييني
وعرفت ان الحياه بلا طعم من بعد ذاك اليوم

بعد كانت كفوفك كل ماشتاقلك تدفيني
رحلتي مير باقي للغلا بين الضلوع رسوم

رسمتك بالخيال وجيت اضمك شوق بيديني
من اللهفه على شوفك تعثر خطوتي واقوم

صدى صوتك تخيلته وجيت امد كفيني
ولكن.... مانتبهت الا بصوت يقول صح النوم

تعبت اشكي من الضيقه وادور فرحة سنيني
يطول البعد ويزيد الوله مابين يوم ويوم

اشوف ان الامل ماعاد له دربن يوديني
وتثاقل خطوتي من كثر مافيني شقا وهموم