رحلة الشمال

مرورا. بخرجا والعمق ماشئ ذالحين

أبي مع طريق المهد خط الحناكيه 

ؤالياجيت للدوار وأخذت معه يمين 

تنصيت حائل والصدور الشماليه

انيره من الميتين للميه وستين 

ماينزل معدل سرعته لين أجي حيه 

جذبني لهم حبل التواصل وهم غالين 

ولهم منزله في نون هاذي وهاذيه 

منول مواعيد العزيمه على بعدين 

لكني نويت اجيه والجيه الجيه

ياكثر شوقي لياجتني وياحبي 

مصدر فرح خاطري يوم اتاملها 

أقول جت من غلا روحي ومن طبي 

ومن درتن مايعيش اللي يهملها 

قلبي يحاتي مع النبضات ويلبي 

وكنه على شاشة ألجوال يرسلها

دام الغلا. بالدلع والغنج متربي 

وشلون ماصبر عشانه واتحملها 

أحيان يطلع معي وأحيان متخبي 

وأحيان أراجع حديث النفس واسالها 

لو المشاعر معه تبي تلاعبي 

ماصرت في قلبها وأغلى من أهلها

اعتبرني وين مارحت مجنونك 

وحاجتن لك وين صديت تلقاها

مثل جوالك لياقابل عيونك 

ولو طلبت عيوني أعطيتك اياها