عبير الورد..!!

صخرت البيـت لعيونـك ولعيونـك تطيـع الشـرد وانـــا لـــولاك ماغـنـيـت بـيــت ولاسمعـتـيـنـي

هزمت ضروفي وجيتك بشوق أفرد يديني فـرد ووصـلـتـك والـخـلايـق كـلـهـا مـاعــد تعنـيـنـي

ورى زحمة تدافع من غلا جات المشاعر ورد حـيـام ولاحـداهـا الا الـولـه يـافـرحـة سنـيـنـي

دخيلـك ضمنـي ماعـاد فينـي حيـل شـوق وبـرد طلبتـك نفـح(ن) مـن أنفـاس همسـك مايدفينـي

مدام انه مصنف عندي أزكى من عبيـر الـورد ولا لــي غايـتـن مــن بعـدهـا يــوم أحتويتيـنـي

ابعطـي ساعـة الفرقـا لياجيتـي غـيـاب وطــرد واباخذ من عيونك نوم كم له غاب عـن عينـي

ضميت مشاهدك بـاول غيابـن للـدروب الجـرد ولمحتـك فـي سـراب الذاكـره يــاول عناويـنـي

ووقفت اشرح معاناتـي لطيفـك وابتديهـا سـرد ولـكــن ماصـحـيـت الا جبـيـنـي بـيــن كـفـيـنـي