نــــور عينـي

يوم جنح الليل ودّع بالسلامـه
والنهار اقبـل بـدأ نـوره يبينـي

وانطوى ليلك وجريت اللثامه
كنك تجر الرضى بينك وبيني

وارتسم للهم بعيوني علامه
وغابت الفرحه وحزني يحتريني

وحطت الذكرى على غصن الملامه
ولاحت الورقى على ماضي سنيني

ماتقلل من غلاك ولامقامه
ضيقتن في غيبتك دايم تجيني

كـل مامـر بسمـا فكـري غمـامـه
اقلب ردايه لها وارفـع يدينـي

وصرت بعيون الخطأ قبل اتهامه
وصار صمتي يجرح صيامه حنيني

وان كتبت البوح ياغاية مرامه
دايم اخفيه والشوق يحديني

وكل ماتجفى شفاي الابتسامه
قلت فدوة خاطرك يانور عيني