طال السهر ياللي تحرى بكره
وشمسه تبي تشرق وجوك غايم
يمكن سبب فرحتك في ماتكره
وممكن يكون الجد مالك لايم
لكن مضمون الحكي والفكره
قل من يقين موكله للدايم
....................
اللي كتبته في سجل النشاطات...
من قبل لاتسجل خروج نهائي
تعليق واعجاب وسلام وتحيات...
ورسالتن مكتوبتن من اهدائي
من دهشة الموقف وبعض العبارات
تقول خط انسان باولى ابتدائي
كم شعب دارت عليه الدايره وانكب
وكم منكرٍ مرنا ماعاد نستنكره
والدم في سوريا يصل لحد الركب
ونصد دونه وبعض احيان مانذكره
..........
كن مافي صالة الحفل غير انتي ....
طلتن كل الحضور يتمناها
قربي ياأميرة الحفل لاهنتي
الفرح زف التباشير واحياها
في حضور النور لحظة تبينتي
اختلف لون العذارى ومعناها
........
كل ماقلت رأي تقولي مدري
وودي انه يترجم شي باحساسك
ضقت بالانتظار وجيت لك بدري
ودي اطفي لهيب الشوق بانفاسك
وودي افضفض بهم سكن صدري
وودي اسقي المشاعر وصل من كاسك
........
دلوعتن من صغرها تختار مالذ وطاب
ترعرعت على الدلع مابين ابوها وامها
وان عودت ل ارض الوطن من بعد ماطال الغياب
كن الوطن يفتح لها صدره غلا ويضمها
ماهيب بتويتر ولاهي على الفيس
مرت عليها 24 ساعه
لو اللقى والوصل منها مفاليس
لكن ياشين الجفا والقطاعه
.........
.......
صباحكم عفو وتجاوز وغفران
ورضا من المولى ويسر ومثوبه
اللي تزوره ضيقته بعض الاحيان
ويستوطنه همه مثل لبس ثوبه
يبوح به لفلان وفلان وفلان
والا يموت بصمت والهم دوبه????
..................
غيبه بدون اسباب ماهوب معقول..
لك مدةٍ ماعاد تدخل تويتر
وادق جوالك والاقيه مقفول
ويقولي Ths is aqen laetr
............
اجهز واولم للسفر لي ثلاث ايام
واطلع جوازي بعض الاحيان وارده
ابالعيد في مصر الجديده واريد الشام
واهون واقول ان الغلا باقي لجده
ابااقضيه مثل العام الاول ومثل العام
اليامن ذكرت العيد شوقي وصل حده
...........
الليله اكثر شي محتاج اشوفك
شعور يفرق بالمشاعر والاحساس
اليا تحديتي من الشوق خوفك
وجيتك وله ماعاد فكرت بالناس
لحظة كفوفي تلتقي مع كفوفك
بين الرجاء والياس ومعانق انفاس
ناخذ دروس وندفع الغلطه رسوم
لكن بعض غلطات تجلب منفعه
والهرج بالفايت وترديدد العلوم
تنقص قدر من قالها ماترفعه
واللي معك الين يبديلك لزوم
واليابدالك لازم صف اربعه
ماهو خويك جعل مثله مايدوم
وعسى المنايا والليالي تقلعه
كل مااخذ لي علاج ازيد كحه...
وزادت الحمى لكن مااحدٍ بيمي
تتصل وتقول صوتك فيه بحه
جد والله كن صوتك صوت عمي
.................................................. .......
ليست هناك تعليقات:
إرسال تعليق