اللي من العام يملكنـي وأنـا محتويـه كنت أحرق القلب لجله والضلوع حطبه |
وكنت أتحدى الخطر لجله وأدوسه وأجيه حتى السفر ماحسب بعده وأحسب تعبـه |
وأحرص على الاتصال ونغمته وأحتريه وأعاتبه وأن زعل حقـه علـي عتبـه |
حتى بدت لي وجيه(ن) غير ذيك الوجيه مابينها وبين ماضـي ماعرفتـه شبـه |
رضيت بالبعد لو قلبي رفـض مايبيـه لكـن يرضـاه دام الله عليـه كتـبـه |
قررت أباأبعد وأغادر من حياته وأتيـه تيه(ت)مفارق لصدقانه وأعـز عربـه |
دمعه تهلـه عيونـه محرقـن وجنتيـه ويصارع الموت سكراته بـدت وكربـه |
الضيقه اللي خيمت بعد الاخيـر وتقفل اخلاقـي بعدهـا للآخـر |
ترد على قلبي وتقفي مصاديـر تقول صار القلب ميناء بواخـر |
اهموم ماتوصف بكل التعابيـر وفي وصفها يفداك من كان ذاخر |
لا تحرى مكالمتي علـى كـل حـال قد نويت ألغي الهاتـف وأدور بديـل |
مير تكفى تكـرم وأقطـع الأتصـال وأرض نفسك لياضاقت بحب القليـل |
حت لو إن حبـك فالحشـا لايـزال ماتعلمت أهين النفـس وأحيـا ذليـل |
ولومحاجر عيونك دمعهـا دم سـال أعرف إني على شانك بدمعي بخيـل |
وكان منته مصدقني خذ أقرب مثـال قصتي في حياتي عندك أقرب دليـل |
لوحمولي تقوم ابها ظهـور الجمـال ليه أحب التعالي وأعشق المستحيـل |
عزت النفس عندي فوق كل احتمـال يبي يحط الحصى فوقي وراسي طويل |
ماشربنا من الماء الا قراحـن زلال ولارضينا عن الراي البديـل بديـل |
ماحشتني من جفا وقتـي محـوش كن كـل الخلـق بـي متواشيـه |
عقب صدفت راعي الوجه البشوش في طريقـي صادفتنـي ماشيـه |
يوم غطت خدها عكش الرمـوش وأستـدارت تقـل منـي خاشيـه |
وبعد قام الهم في صدري يجـوش كنهـا تقـرا عـلـي الغاشـيـه |
سلـم الله كـف هاذيـك النقـوش ويلعـن الله اليـديـن الراشـيـه |
ماعليه مـن مشاريـه الخبـوش كـل عمـري فدوتـن للناشـيـه |
لو تجي من دونها كـل الجيـوش ماحسبت حساب ذيـك الحاشيـه |
ماعشقت من المهار الا الاصيـل طامـع(ن) ماكـل شـئ يقنعـه |
واعشق الكايد واجيب المستحيـل ولاعرف بعض الكلام ولااسمعـه |
جيت اسوق الشوق للرمش الضليل من حنايـا قلـب حبـك يدفعـه |
احسب الخطوات والقلـب الدليـل في طريقـك بالفصـول الاربعـه |
وتاهت الامال بالـدرب الطويـل وطاح حظ(ن) مالقى من يرفعـه |
الصمت حكمه لكن القول حسب المقام هرجت من ضيقتن فالبال وأنت تخبر |
أدري مقدددر وانا ماني على مايرام لو الوفا حي نلقى للمشاعـر جبـر |
مشاعرن خانها التعبير قبـل الكـلام والاانها ضيعـت فالمبتـدأ والخبـر |
شكرت الاهمال قبل أشكرك يالاهتمام والله يجبر عزى الميعاد قبل الصبـر |
ماأقول شكرآ على ماتفعلـه للامـام أقول دنيـا تعللمنـا دروس وعبـر |
ماكل بسمه تفسر حـب والابتسـام ممكن تكون ابتسامـة ذل والا كبـر |
الله ياوعدنا الصادق عليـك السـلام أحيان تهدي هدايا مثل وخز الابـر |
حتى تدك الهموم صدورنا بالزحـام ولاتخلـي مجـال ولاتبقـي شبـر |
باذلن جهدي ومملك لتقرير المصير وحافظن نفسي وقلبي لغيرك ماشكى |
يامكاسر عود جاوي ويانفحة عبير الجمال الله عطاكيه ماجاك بذكـى |
أرحمي قلبن غدا عقبكم مثل الغرير إن رجعتيله سكت وكان قفيتي بكى |
وش لون أعديها وهـي ماتعـدى ترى مهو في كل الأحوال أجامـل |
أحيان أباقـف قدمهـا وأتصـدى وأحلـل الكلمـه بكـل المعامـل |
ولاتهمني نقلـت حديثـن يـودى كثـر أهتمامـي قبلهـا بالتكامـل |
لحظات ياحضرت جناب المفـدى لاصرت جاهل في أسلوب التعامل |
دامك ضرير في طريقـك تقـدى ولك فالحياه آمـال تامـل وتامـل |
مايرفع الحظ الـردي إن تـردى ورداك مايرفـاه كثـر التحامـل |
وكانك على كثرة خطـاك بتمـدى والناس في حالة خطاوأنت كامـل |
إمـا تعشابـك زمانـك تـغـدى والاتبي تبطـي تعـض الانامـل |
وقار شيب أهل الوجيـه المبـدى وشيبن يجي في وجه شرواك هامل |
وش قصة اللي فوق جفنـك تراكـت. .وعلوم عينك وش بلى كحلها سـال |
وقتك ذهب لاتقضي الليـل ساكـت. .جيتـك بنزعـة شـوق واحـلام وامــال |
ضاعت بعد عينك بكـت ماتباكـت. .وهمسك غدا به ذبذبه مثل الارسال |
لولا الحياء واخاف من هرجة الناس مارحت ادور بالرسايـل رسايـل |
جيتك وكلمتك من الـراس للـراس وقلتلك حبك عاملـن بـي عمايـل |
اما تبين لي مشاركـت الاحسـاس من جد ماهو نصـب والا تحايـل |
والاتصير الترجمـه مالهـا سـاس ويضيع كل اللي ثبت مـن دلايـل |
بعد تغلغـل غلاهـا بالضميـر وسكـن يا كثر ماكنت أكن لشوفه مـن أشتيـاق |
صحيـح مادامـت الدنيـا لقبلـي لكـن ماكنت متخيلن وضعـي نهـار الفـراق |
حتى تحشرج ضميـره بالحديـث ولكـن وشربت فنجاله اللي مـن دلالـه يسـاق |
إماتكـن ذو مكانـه طالـبـك لاتـكـن رخيص في عين من حبه به الصدر ضاق |
حتى ضلوع المحاني من بعدهـا شكـن واستوحشن عقب فنجالن عسـى مايـذاق |
[صوت وصدى
عبر رسائل الجوال كانت خاطره ومشاركه للاخ العزيز عايد دغيليب المطيري
ولم يكن الرد فالحسبان
يارب تفرج هـم عايـد دغيليـب وانـك تشافيلـه بناخـي عـادل |
ثلاثه أشهـر والحنايـا معاطيـب وستار- هم- أقصى المعاليق سادل |
عبدك قنت يدعو لخوه بظهر غيب وخضع وهو في طاعتك مايجـادل |
هذا ماأقوله ياحصـان الاطاليـب و الله بحكمـه فالمخاليـق عـادل |
رد
ماهي غريبه منك يامنبع الطيـب تحزن لحزنـي والشعورمتبـادل |
ياخويه اللي بالرخى والقسى ذيب وبالحالتينـه كفتينـك تـعـادل |
ثلاثه اشهر لفت الراس بالشيـب صدري مكينه والهمـوم الهنـادل |
صبرا جميل وراضين بالمكاتييب ومن يعترض لا شك غادي ولادل |
ليست هناك تعليقات:
إرسال تعليق