اسمي محمد والاقامه علـى البـال طبعآ بعد تقريـر منـك وقناعـه | |||||||||
وعضويتي بالمنتدى مابهـا جـدال ورقمي واميلي طيـروه الجماعـه | |||||||||
قالوا كذا ممنوع واقول ياعيال....! قالوا حكم صادر وسمعآ وطاعـه | |||||||||
وسكت حشمه للمشاكيل واجلال واوردتها من باب مزح ولكاعـه | |||||||||
|
تعال ماعـاد تكفينـي تحايـا المـرور الله يغفـر خطـاك ويـرحـم اشـواقـي |
مليت ضيقه وقربك نفحة من سرور طالبـك تكفـى تجمـل تلـحـق البـاقـي |
يا غايبن عني وطيفك على البـال تكفى تجي ماعاد بالصبـر حيلـه |
الصمت يقتلني وهمي برى الحـال والشوق سمم اقصى الضلوع النحيله |
والحزن له باقصى المعاليق منـزال ومن دون شوفك سلوتي مستحيله |
حبيت اكلم واسلم وآخـذ اخبـارك كني وصي(ن) على حالتك متكفـل |
ويهمني كل ماتخفي مـن اسـرارك لوتعتبرني مجرد شخـص مطفـل |
لو تكتشف وش غلاك وكبر مقدارك ماصار رقمك على موجود ومقفـل |
ولو الرسايل تجيني منك بأعـذارك سجـدت لله شكـر وزدت متنفـل |
انا عن الناس ياأغلى الناس مختارك منت بكذا جاي ضربة حظ لمغفـل |
اخيل براق غيثك وارجي امطـارك ياجعل تفداك شروى الطفق والرفـل |
مادام توك ظهرت وشعت انـوارك مافيه داعي مـن اول ليلـك تأفـل |
أحفظ إسمه ورقمه والرديف الرديف ماينافس غلاها غيـر حـب أمهـا |
صار فالمركز الاول وهذا الوصيـف يابري حـال مـن حبـه وياسمهـا |
كل ماشاف بعيونـه وليـف وليـف أبعدتبه هجوس النفـس مـع همهـا |
وكل مافسر الرؤيـا يعـود معيـف عاد منكف حسير النفس مـن يمهـا |
عقب سبعن سمان تمر سبع الخريف وباح صبرن دخرتـه قبـل لاتمهـا |
من ضروفي وحظي والزمان العنيف وشمـل الاحبـاب فرقهـا ولالمهـا |
وكان ماجابها الطايف بوقت المصيف يجبر الله عزا نفسن كبر همها0000 |
الغلا مثبوت والنسيـان صعـب وانت تدري بالدعاوي والعلـوم |
اعطي الفرقا على لقياك كعـب واتحول مـن دفاعـي للهجـوم |
كل شي الا الجفا ماهوب لعـب والزعل لو مر لايمكـن يـدوم |
صايرن وسط الحنايا منه رعب والوفا لك والغلا ماهـان يـوم |
الك قلبي عرش والاضلاع شعب والك طيف في سما فكري يحوم |
وش فيك ساكت وليه الوضع متـأزم. والصدق وش فيه دايم خاينـن ذاتـه |
وانكانك ابطيت في ذا الوضع وملزم!! .الصبر يستاذنـك ماطـول اسكاتـه |
جيتلك بحزام امان الوصـل متحـزم وشفتك وضاق الفضاء في ومداراتـه |
تصبح على خير قلته قبـل لاعـزم والحين انا اقفيت وانته جمع اشتاتـه |
من منطلق حبي ومـن ذكرياتـه. .انكان باقي شي عنـدك تجمـل |
هجرك كفر بالوصل وايبس شفاته. .تكفى ترى ماعـاد فـي اتحمـل |
البعد يومنـك كشخـت بعباتـه. .ماتلاحظ عيون الشقى وش تأمل |
عمر الوفا في يوم ماخـان ذاتـه. وعمر السعـاده تكتمـل ماتكمـل |
في شوفتك ياعز واغلا امنياتـه. . يادرتـن يتعـب لهـا ماتهمـل |
اللي مضى يحتاج منـك التفاتـه. .واقولـك مشكـور والا مجمـل |
ارمي بجلباب الاحـزان وهمـوم الفـراق وارتمي باحضان مغليك ياأغلى من مشى.. |
.الحياه الها بقربك طعـم باحلـى مـذاق وليلة غيابك تمنى طلوعـك مـن عشـى |
ايه اكتبي ماتبينه واشطبي وامحـي وافديك بالعين هاذي قبـل هاذيـه |
ابيك دايم ضحوك وخاطرك سمحي ولاابيك تسمع كلام الواشيـه فيـه |
ولاابيك تسلك طريقة منتهى الرمحي بعد الجزيره تطـل مـن العربيـه |
هذالي ثلاث ايام يااصحابي الغاليـن. .اكرر ورى دقة جهازي على (الدقه) |
اسيير على اقدامي بعيدن عن السالين. .وادوج ولكن كن ماني علـى الرقـه |
المعذره يااصحابنا كاني اخطيت. .مامن خطا منكم ولاهان قـدري |
ياوين ابلقى من يرحب الياجيت . .واليابغيت اقفففل يقـول بـدري |
بعرف على يدينه طعم للمواقيت. وافضفض همومن تزاحم بصدري |
تراي من روتين الايـام مليـت. واجي بعذري مير اعود بعـذري |
ليست هناك تعليقات:
إرسال تعليق